Blackie, Colloquia Graeca. XVI: La voz pasiva

ἐστάλησαν οἱ ἀπόστολοι κηρύξοντες τὸ εὐαγγέλιον, καὶ ἐκήρυξαν δεινῶς.
ὅτε οἱ ἀπόστολοι ἐκήρυξαν τὸ εὐαγγέλιον ἐν ταῖς Ἀθήναις, ὀλίγοι ἐπείσθησαν. 

ὁ κακοῦργος ἐκεῖνος ἐπήνεγκέ μοι βιαίαν πληγὴν τῇ βακτηρίᾳ καὶ τὸ νῶτόν μοι ἐτραυματίσθη χαλεπῶς. 

ὁ κακοῦργος ἐπιφέρει ἀνθρώπῳ βιαίαν πληγὴν τῇ βακτηρίᾳ καὶ τὸ νῶτον αὐτοῦ τραυματίζει χαλεπῶς.

εἶτα δὲ τί συνέβη;

τῶν τοξοτῶν τις τῶν φυλασσόντων τὴν πόλιν ἥρπασεν αὐτόν, καὶ εὐθὺς ἐνεβλήθη εἰς τὸ δεσμωτήριον.

ὁ τοξότης

δίκαια ἔπαθεν.

κατὰ φύσιν τοῦτο· πάντες ὅσοι ἄνομοι καὶ βίαιοι δικαίως ἐμβληθήσονται εἰς τὸ δεσμωτήριον· οὐ γὰρ ἄνθρωποι οἱ τοιοῦτοι, ἀλλὰ συγγενεῖς τῶν τίγρεων. 

τίγρις

* * *

οἴμοι πέπληγμαι, πόθεν ἡ πληγή;

ὁ γνώριμός μου ὁ Ἰωάννης Καμερὼν παίζων τὴν κορύνην ἐν τῷ πεδίῳ ἔπληξε πλαγίως τὴν σφαῖραν, ἥπερ παρετράπη (παρατρέπω) εἰς τὴν κεφαλήν σου.

 ἄνθρωπός τις παίζει τὴν κορύνην ἐν τῷ πεδίῳ

οἴμοι, μοι, ὀτοτοτοτοῖ!
ὦ τοῦ ταλαιπώρου!
τί χρὴ πρᾶξαι;
φέρε εἰς τὸ νοσοκομεῖον, καὶ κάλεσον τὸν ἰατρόν· ἔχει γὰρ κίνδυνον τὸ πρᾶγμα.
αὐτίκα μάλα· κληθήσεται.