Zouke, Anagnostikon: 8b. ῾Η Αἴγυπτος (continúa)

Ὁ Νεῖλος (Νεῖλος, ποταμὸς τῆς Αἰγύπτου διασχίζων αὐτὴν) τὸ πάλαι Αἴγυπτος ὠνομάζετο καὶ ἥρως τῶν Αἰγυπτίων ἦν. ῾Ως δ’ οἱ ἄλλοι ἥρωες, οὕτω καὶ ὁ Νεῖλος ὑπὸ τῶν κατοίκων ἐθεραπεύετο καὶ θεὸς ὑπ᾽αὐτῶν προσηγορεύετο. Τῷ ἥρωι τούτῳ καὶ τοῖς ἄλλοις ἥρωσι ναοὶ ἦσαν.

῾Ο Νεῖλος πληθύει ἰλύος (ἰλύς -ύος ἡ : limo) καὶ ἰχθύων ὑπὸ δὲ τὴν ἰλὺν οἱ ἰχθύες τὰ ᾠὰ τίκτουσιν. Ὅτε πλήμυρα  γίγνεται, τῇ ἰλύι τοῦ Νείλου οἱ ἀγροὶ πιαίνονται (< πίων: παχύνονται) καὶ εὔφορα τὰ περὶ αὐτὸν πεδία γίγνεται· ὑπὸ γὰρ τῆς ἰλύος αἱ τῶν καρπῶν ῥίζαι ἰσχὺν καὶ τροφὴν λαμβάνουσι.

ἡ πλήμυρα (jun-sep)↔ ἡ ἄμπωτις (oct-jun)

Πᾶσα δ’ ἡ χώρα ψιλὴ (: γυμνὴ) δρυῶν καὶ πιτύων καὶ ἄλλων δένδρων ἐστί.

ἡ πιτύς -ύος

ἡ δρύς -υός

 

Μόνον δ’ ἀπὸ Θηβῶν (: πόλις τῆς Αἰγύπτου ἀκμάσασα) ὀγδοήκοντα σταδίους (: μέτρον μήκους τῶν ἀρχαίων ἰσοδυναμοῦν 186 μέτρα) ἐπιτυγχάνει τις κλιτύσι  καὶ ὀρεινοῖς ὀφρύσι ('laderas y cumbres montañosas')· 

ἡ κλιτύς -ύος καὶ ἡ ὀφρύς -ύος

 

 

κατὰ τὰς κλιτῦς δὲ ταύτας ἄμπελοι φύονται καὶ βότρυες γίγνονται, ἐκ δὲ τῶν βοτρύων οἶνος ἐξαίρετος (< ἐξ + αἱρέω). Κίνδυνος δ’ ὅμως τοῖς βότρυσι καὶ στάχυσίν εἰσιν οἱ μύες· ἀφθόνους γὰρ ἡ χώρα τρέφει μῦς, οἵ τοὺς στάχυς καὶ βότρυς φθείρουσι.

βότρυες

μύες ἐν στάχυσιν

Zouke, Anagnostikon: 8. ῾Η Αἴγυπτος

Α΄. ῾Η Αἴγυπτος στενή ἐστι καὶ ἀπ’ Ἑλεφαντίνης (: νῆσος μικρὰ εἰς τὴν ἄνω Αἴγυπτον) τῆς νήσου μέχρι τῆς θαλάττης τείνει. ῾Η δὲ χώρα αὕτη ξηρά ἐστιν· ὄμβροι μὲν γὰρ διὰ πολλῶν ἐνιαυτῶν (: ἐτῶν) οὐ γίγνονται ἐν αὐτῇ, δρόσος δ’ ὀλίγη. 

ὄμβρος

δρόσος

Διὰ μέσης δὲ τῆς Αἰγύπτου ὁ Νεῖλος ποταμὸς φέρεται (: ῥεῖ) καὶ τὴν χώραν κατ’ ἐνιαυτὸν κατακλύζει. Τότε καὶ αἱ ὁδοὶ κατέχονται (: γεμίζουσι) τῷ ποταμῷ καὶ οὐκ ἔστιν ἄνευ πλοίων πορεύεσθαι. Οἱ παλαιοὶ ὀρθῶς τὴν Αἴγυπτον, μάλιστα δὲ τὸ Δέλτα, δῶρον τοῦ Νείλου λέγουσι. Φέρει (: παράγει) δ’ ἡ Αἴγυπτος κριθὴν ἄφθονον καὶ τυρὸν καὶ τὰ ἄλλα σῖτα, ἄμπελοι δ’ ἐν αὐτῆ οὐ γίγνονται. ῾Ο γὰρ οἶνος ὁ τῶν Αἰγυπτίων, ὡς παρ’ Ἡροδότου διδασκόμεθα, οὐκ ἐκ τῆς ἀμπέλου ἦν, ἀλλ’ ἐκ κριθῆς.

κριθή

 ᾽Εν δὲ τῷ Νείλῳ βύβλος (: φυτὸν καλαμοειδὲς ―πάπυρος― τῆς Αἰγύπτου; Cyperus papyrus) φύεται ἄφθονος, πολλοῦ ἀξία (‘de gran valor’) τοῖς Αἰγυπτίοις· βύβλινα μὲν γὰρ ἦν τὰ ἱστία, βύβλινα δὲ καὶ τὰ βιβλία αὐτῶν.

βύβλος